Bangg Rott 2011
Gäld? - Han ych scho lang kains mee,
e Loch isch in mym Bortmenee.
Ych glaub, ass ych saage sott,
mir zwai Bänggler sin Bangg-Rott.
Dr lyychtischt Tschobb isch Bundesroot
Als Maa waiss ych genau wies goot
wenn Fraue s Saage hänn
Machsch am beschte was sy wänn
(Melodie: Dört ääne am Bärgli)
Miir sin so gligglig und mir sin so froo –
Frisch gwäsche und glettet, so steen mir jetzt do.
Holeduli ...
Mir stimme und wähle immer stramm rächt
Dr Brunner, dä sait uns, Linggi sind schlächt!
Holeduli ...
Mir hän e Lampion, da’sch Schwyzer Kultur
Baschtlet vo Kinder - in Singapur
Holeduli ...
Mir sin zwai Schwyzer und Blocher sei Dangg
S Gweehr isch im Kaschde
- und nit alli Dasse im Schrangg
Lutt eme Bricht im Internet
geen d Urner mit em Gwehr ins Bett.
Dr Berlusconi muess daas nit,
dää waiss scho ass es Fraue git.
(Melodie: Y bi e Italiano)
Y bine Berlusconi, in bella Villa woon y!
Y magge immer Festa in myni Liebesnesta
Oh mio bello, bello Presidente
ysche Spitz in jede Momomente,
kaufe Ruby-Playgirl für ai Nacht
magge Bunga-Bunga, Bunga bis es gracht.
Y bi ne Maa wie Baum, bin ig Signora-Draum.
Im Hirni scho all dente, aber sehr potente!
Oh mio bello, bello Presidente ...
Wenn y sterbe werde, so leeg y mi in Erde
Grad nebe Pontifex, Mausoleum Nr. 6!
Australier, das sin armi Gselle.
Vo Katastrophe kenne die verzelle
Genau so isch es do am Blatz
Katastrophe haisst do: BaZ
Morgesitzig in dr Baz
Im Büro rächts, am Aescheblatz.
Dr Chefredaggter schloot dr Gong
Und alli zämme mache: Sommmmmm.......
(Melodie: Ingo Insterburg - Ich liebt ein Mädchen ...)
Liebe Freunde aus Nigeria
Kosovo, Somalia
Sri Lanka und Germania
Japan und Südafrika
Polen und Malaysia
Mexiko, Bulgaria
Öst’reich und Slowenia
Turkmenistan, Namibia
Willkommen in der schönen Schweiz
Aber hier nicht rauchen in der Beiz
Ihr Leute aus Korea
Afghanistan, Liberia
Bosien Herzogowina
Vatikan und Guyana
Schweden und Italia
Lichtenstein und Panama
Kanada und USA
aus Pakistan und India
Und bischt du au nicht kriminell
Dann lass dich nieder hier ganz schnell
In Rieche oder Bettige
in Allschwil oder Ettige
in Hobel oder Langethal
in Laufe oder Hospetal
Ascona oder Neuchâtel
Züri oder Almagell
Eigedlig sin mir seer frindlig
Gege Fremdi gar nit findlig
Numme naime muesch vorsichtig huuse,
me schafft di uuse in Schaff-uuse
E Spriichwoort sait wie Stadt und Land
sit Joore umgeehn mitnand:
Dr Gschyyderi git noo -
Baselland blybt stoo.
Bim Theater sin die stuur,
die händ jo sälber vyyl Kultur:
die hän – äh - äh .......... dr Harasselauf
und – äh – äh .......... dr Harasselauf
Mir haue s jetzt - das isch e Gschängg,
gsunge hän mir alli Bängg,
Vom Wirt e Gschpritzte, das wär flott!
Mir zwai Bänggler sind Bangg-Rott!
