SchnitzelbanggKäller-AssleFasnacht 2011 22 Joor underwägs |
|
|
Dr FCB (hueschte), dr FCB (hueschte), Dr FCB (hueschte), dr FCB (hueschte). E soo duets hytte leider klinge muesch diini Väärs imme Fümoir singe.
Mit däm 3D ischs soone Sach. Ych lueg duur die Brille, doch s bliibt alles flach. Profillos, konturlos, doo mergg ych vyyl z spoot. Statt im Kino sitz y im Regierigsroot.
Dr Sultan Achmed El Fataah Will dr Kachelmaa als Berooter haa. Nit in Sache Wätter schänggt äär iim s Vertraue. Äär soll hällfe s neye Haarem z baue.
Sii miir mechte ebbis teschte. Kennt ebber s Parkhuus doo im Weschte? Ych gibs zue ganz unumwunde, das im Oschte han y au nit gfunde.
Es sait d Frau Vogt zu dr Frau Maier. Hän sii gheert d Schwobe hänn Dioxin in de Aier! Druff meint die, daas mues y mim Maa verzelle, dää hett nämmlig wiider Viagra welle.
Es blyybt jetzt also alles bim Alte. De daarfsch dii Gweer im Kaschte bhalte. Als Zuesatzgschäft mit dääre Situation verkauft Diginitas jetzt Munition.
Fäärimaa, bitte Fäärimaa... Fäärimaa, bitte Fäärimaa... Fäärimaa, bitte Fäärimaa... Loo mr bitte mini Finger draa!
Dr Mike Shiva gseet in de Kaarte inne wäär daas Joor dr Eurovision duet gwinne. Bi dääre Voruusaag mache miir au gärn mit und saage d Schwyyzer sind s wiider nit.
Dr Hesters isch iiber 100 Joor. D Migros Basel isch 80, mr stell sich s voor. S Frauestimmrächt isch mit 40 knapp drunter. Wenn dr Winterzauber 2 wird ischs e Wunder!
Dr Elefant Sabu, sii ych lach mi schlabb, Haut bim Zirkus Knie in Ziiri ab. Ych fin dää het nit yybertriibe Wäär will schoo freiwillig in Ziiri blyybe?
Dr Keenig Carl Gustav, so gheert mr reede tryyby haissi Sache im kalte Schwede. Das isch numme Pflichtgfyyl e hälfendi Geschte. Dää duet fiir s IKEA halt Better teschte!
De bisch kai Schwyyzer, wäälsch nit SVP! Doch 70 Prozänt maches nit, daas muesch gsee. Drum weiss ych nit was die Lingge wänn. Das heisst, dass mr s Uusländerstimmrächt schoo hänn.
D Merkel macht doch neymeduure konschtant e zwanzg ab achti Schnuure. Doo hilft s au nit, wenn iire saisch: „B..., B..., B..., B..., Bünderfleisch!“
E Ziircher isch Schef voo dr BVB. Ain isch Oberschugger, doch es het noo mee. Als Baizer! Im Stadtbau! Ich sag nur Gottloob, isch dr FCB Trainer numme e Schwoob!
|
|
